ఆదిత్య హృదయం పఠిస్తే మంచిదా?

సమాధానం: సూర్యుడు కర్మసాక్షి. సమస్త చరాచర ప్రాణులకు ఆరోగ్యాన్ని ప్రసాదించే ప్రత్యక్ష దైవం. ఆరోగ్యం భాస్కరాదిచ్చేద్ అని శాస్త్రం.

ఇటీవల ఆధునిక వైద్య శాస్త్రజ్ఞులు సూర్యనమస్కారాలకు ప్రాధాన్యం ఇచ్చారు. యోగాభ్యాసంలో అది ఒక భాగం. డి విటమిన్ లోపించిందని వైద్యులు మందులు వ్రాసిస్తూ ఉంటారు.

పూర్వకాలంలో ఉదయకాలం ఎండలో కూర్చొని పనులు చేసుకొనేవారు.

రామాయణంలో రావణునితో యుద్ధానికి రాముడు సిద్దమవుతున్న సమయంలో అగస్త్యమహర్షి వచ్చి రామునికి ఆదిత్యహృదయం బోధించాడు.

సర్వ మంగళ మాంగల్యం సర్వ పాప ప్రణాశనం
చింతాశోక ప్రశమనం ఆయుర్వర్ధన ముత్తమం

అంటాడు అగస్త్యుడు.

సూర్యకిరణ ప్రభావం వలన శ్యమంతకమణి బంగారాన్ని వర్షించినట్లు శ్రీకృష్ణ-సత్రాజిత్తు కథలో చదివాం.

అందువలన నిత్యం ఆదిత్యహృదయం పఠించి, సూర్య నమస్కారాలు చేయడం ఆరోగ్యప్రదం.