అస్య శ్రీశీతలాస్తోత్రస్య మహాదేవ ఋషిః అనుష్టుప్ ఛందః శీతలా దేవతా లక్ష్మీర్బీజం భవానీ శక్తిః సర్వవిస్ఫోటకనివృత్యర్థే జపే వినియోగః || ఈశ్వర ఉవాచ- వన్దేఽహం శీతలాం దేవీం రాసభస్థాం దిగంబరాం | మార్జనీకలశోపేతాం శూర్పాలంకృతమస్తకామ్ || ౧ || వన్దేఽహం శీతలాం దేవీం సర్వరోగభయాపహాం | యామాసాద్య నివర్తేత విస్ఫోటకభయం మహత్ || ౨ || శీతలే శీతలే చేతి యో బ్రూయాద్దాహపీడితః | విస్ఫోటకభయం ఘోరం క్షిప్రం తస్య ప్రణశ్యతి || ౩ || యస్త్వాముదకమధ్యే తు ధ్యాత్వా సంపూజయేన్నరః | విస్ఫోటకభయం ఘోరం గృహే తస్య న జాయతే || ౪ || శీతలే జ్వరదగ్ధస్య పూతిగంధయుతస్య చ | ప్రనష్టచక్షుషః పుంసః త్వామాహుర్జీవనౌషధమ్ || ౫ || శీతలే తనుజాన్రోగాన్ నృణాం హరసి దుస్త్యజాన్ | విస్ఫోటకవిదీర్ణానాం త్వమేకాఽమృతవర్షిణీ || ౬ || గలగండగ్రహా రోగా యే చాన్యే దారుణా నృణాం | త్వదనుధ్యానమాత్రేణ శీతలే యాంతి సంక్షయమ్ || ౭ || న మన్త్రో నౌషధం తస్య పాపరోగస్య విద్యతే | త్వామేకాం శీతలే ధాత్రీం నాన్యాం పశ్యామి దేవతామ్ || ౮ || మృణాలతన్తుసదృశీం నాభిహృన్మధ్యసంస్థితాం | యస్త్వాం సంచింతయేద్దేవి తస్య మృత్యుర్న జాయతే || ౯ || అష్టకం శీతలాదేవ్యా యో నరః ప్రపఠేత్సదా...
భక్తి మార్గంలో తొలి అడుగులు వేయడానికి మా వెబ్సైట్ మీకు ఆదర్శ వేదిక.