ఆచార్యుని శ్రీచరణాలయందు ప్రేమ గల వారికి పరమ పదం అర చేత ఉసిరికాయ వంటిది. మన అదృష్టంకొద్దీ మనకు సదాచార్యులు లభిస్తారు. వయస్సు వారికి అంటదు.
<><><><><><><><><><><><><><>
ఆచార్యులను లభింప చేసిన భగవంతుని పట్ల నీవు సదా కృతజ్ఞుడవై ఉండాలి. ఆచార్యుడు శిష్యుని ఆత్మను రక్షిస్తాడు, శిష్యుడు ఆచార్యుని భౌతిక శరీరాన్ని కాపాడుకోవాలి.
<><><><><><><><><><><><><><>
ఆచార్యులు దివ్య దేహధారులు. నీ శరీరంలాంటి పాంచభౌతిక శరీరం కాదు వారిది. అందుకే రజః తమో గుణమయమైన మనస్సు కూడ వారికి ఉండదు. అది శుద్ధ సత్వము.
<><><><><><><><><><><><><><>
"శ్రీమన్నారాయణా!"
నీవు ఆశ్రితుల పాపాలను హరించే దయాళుడవు. అందువల్ల నేను నీకు వందనాలు చేసి యాచించేది ఏమిటంటే, నాకు ఏ జన్మ లభించినా నీ పై తలంపు గలిగేటట్లుగా అనుగ్రహించు. అలాంటి నీ భావన చేత ఎలాగైనా ఈ సంసార బంధాన్ని తప్పించుకో గలుగుతాను. నీ పై తలంపు లేకపోతే ద్వంద్వ దుఃఖాలు తీరినా, కుంభీ పాకాది నరకాలు తప్పినా, స్వర్గాది భోగాలు కలిగినా, అవి ఆత్మకు శ్రేయోదాయకాలు కావు.
<><><><><><><><><><><><><><>
శ్రీమన్నారాయణా!
ధర్మార్థ కామాలనే త్రివర్గాల్లో నాకు అపేక్ష లేదు. నాకు కామాలను ఉపభోగించాలనే అపేక్ష లేదు. ధనం సేకరించుకోవాలనే ఆశ లేదు. నాకు పూర్వ కర్మానుపరంగా ఎంత లభిస్తే అంతే చాలు. నిన్ను నేను అనేక విధాల ప్రార్థించి పొందకోరేది ఏమిటంటే ఎన్నెన్ని ఏయే జన్మలు ఎత్తినా నీ పాదారవిందాలపై భక్తి స్థిరంగా నిలిచి ఉండటమే నాకు చాలా ఇష్టమైనది.
<><><><><><><><><><><><><><>
శ్రీమన్నారాయణా!
నీకు శిరసా నమస్కరించి యాచిస్తున్నాను. నాయందు దయ ఉంచి నా ఈ చిన్న విన్నపమును ఆలకించు. నేను ఎన్ని జన్మలు ఎత్తినా నీ పాదారవిందాలపై నా మనస్సు ఎల్లప్పుడూ నిలిచి ఉండేటట్లు నన్ను అనుగ్రహించుము.
<><><><><><><><><><><><><><>
శ్రీమన్నారాయణా!
తమ ఆచార్యుని శ్రీచరణాలయందు ప్రేమ, గౌరవం, భక్తి లేకపోతే తనపట్ల భక్తి కలిగి ఉన్నప్పటికీ శ్రియః పతి కరుణించడు. తాను కరుణిస్తే ఆచార్యుని ద్వారానే అది జరగాలి.
<><><><><><><><><><><><><><>
శ్రీమన్నారాయణా!
ఈ జగత్తుల సృష్టికి ముందు, సచ్చిదానంద స్వరూపుడవై నీవొక్కడవు ద్వైధీభావములేక పరబ్రహ్మముగా నిలిచియుందువట గదా.
కామెంట్‌లు
కామెంట్‌ను పోస్ట్ చేయండి